× Главная Мои работы Как заказать Контакты
Иконы Спасителя Иконы Пресвятой Богородицы Иконы Ангелов - Небесных Сил Иконы Святых Иконы Святой Троицы Мерная икона Иконы венчальные Семейная икона Все мои работы

Святой образ - это свет другого мира

Святой образ - это свет другого мира.

Святой образ - это свет другого мира.

Акафист святому преподобному Илие Муромцу, Киево-Печерскому чудотворцу

КОНДАК 1
Воеводе Божьему пресветлых богатырей Земли Русския, Богом избранному крестьянскому сыну, призванному Самой Пресвятой Троицей на дела ратныя и благочестныя быти славным воином Бога Царя Небесного и заступником древнекиевстей Святой Руси. великому единоборцу во бранех с противными и атаману неодолимому в ратех с иноплеменными, дивному во святых богатырю Илие Муромцу песнь хвалебную воспоем, да заступит нас перед всяким злобным врагом нехристем и да избавит нас от многокозненных нашествий вражиих: от пленения сатанинскаго и от силы хазарския, егда верно зовем таковая:
Радуйся, святый преподобный воине мучениче Илие Муромский, Земли Русския славный заступниче!

ИКОС 1
Ангелов светоносных Творец, Господь Иисус Христос, пресуществляя Превечный Совет Пресвятыя Троицы, сшедый с небеси и воплотивыйся от Духа Свята и Пречистыя Девы Марии, и пребысть на земном поприще, яко Богочеловек до тридесятилетнего возраста, не являя Себя всему миру; такоже и тя, блаженне Илие, Господь Бог сохраняше от мира сего в болеждевании твоем аще до тридесятилетия твоего и исцеливше тя, открыл тя всему христианскому славянскому роду, яко Богоизбранника своего, преисполнив тя силой богатырскою, да послужиши людем Божиим и всему Самодержавному Государству Свято-Киевской Руси, и оградиши его от наветов вражиих и от внутренних врагов мнозих, и да прославиши веру Христианскую и Землю Русскую. Еже и восхавляем тя сицевыми песенными возглашениями:
Радуйся, промыслом Божиим тридесят лет от мира лукаваго и грешнаго премудро хранимый;
Радуйся, душу свою верою православною многажды укрепивый.
Радуйся, от рождения твоего Богом предуготованный на дела велики и ратные;
Радуйся, восприемый от Бога Христа ногам своим исцеление и силы благодатные.
Радуйся, яко око Божие чистоту сердца твоего зело возлюбите;
Радуйся, яко десница Вышняго тя воином Света сотвориша.
Радуйся, надолзе слежаще в болении ног соблазны юности твоея избегнутый;
Радуйся, со одра боления твоего хотением Божиим возставленный.
Радуйся, яко ты неведомый многими, Христом Богом же незабвенный и утешенный;
Радуйся, скорби тяжки, яко дар Божий с покорностию претерпевший.
Радуйся, весь путь земнаго бытия твоего богоугодно проведший; Радуйся, и во зраке воинском, и во иноцех добродетельми просиявший. Радуйся, и в недуге и во здравии благомужество души твоея явил есть; Радуйся, всем некрещаемым славяном был яко благая весть. Радуйся, яко совершенный образ воина Христова в себе носивый; Радуйся, Бога и ближних, больше, яко сам себе возлюбивый. Радуйся, добрых и злых любовью Христовой привечавый;. Радуйся, ковы и ложь в недругах Святой Руси обличавый.
Радуйся, святый преподобный воине мучениче Илие Муромский, Земли Русския славный заступниче.

КОНДАК 2
Возводил еси к Богу очи твои, егда пребывал в тяжцем боледовании твоем на одре суще, Илие благосердый, и зряще, яко прииде в отворенную дверь дома твоего Три Мужа, в образе боголепных древних странников. И Сии, приступлыне к тебе, вопросиша у тя воды кладезной испити, ты же отвещевал има: яко напоил бы вас, да не имам двинути ногама моима, и напитал бы вас, да рукама моима не имам владения. Словеса же твои старцы премудрые разумеша, и прорекоша ти: вемы боление твое, Илие. но воистину глаголем ти, яко на нози свои станеши и нам троим сам послужиши. Днесь благоволение Божие узреть имаши, и еже апде есть в тебе вера в Бога Христа, здрав будеши. И веровал еси Илие словесам странников, якоже глаголам Божиим, и вста на нози своя, в радости вопияше к Богу Христу: Аллилуйа.

ИКОС 2
Радовался Илие богоблагодатный, Силу Божию в себе разумея, яко та вся недуги врачует, изнемогших в немощех исцеляет и оскудевших духом Божией верой восполняет. Ты же прежде, нежели возстав благодерзостне на нози своя, осенил себе крестным знамением, аки адамантной опорою себе укрепляя и православно Христа Бога исповедуя. И тако утвердився в правой вере, познал милосердие Божие и чудотворное действо словес Божиих странников. Аще в пришествии их сретил еси Пресвятую Троицу, тя посетившую и великое исцеление ти даровавшую. И мы дивным делам Божиим на тебе сбывшимся воспеваем ти:
Радуйся, во образе триех пришельцев, яко в триех лицех Пресвятой Троицы Господь прииде посетити тя болящего;
Радуйся, трие старцы, якоже трие столпи святый даровали ти Господнее исцеление странником Божиим служащего.
Радуйся, яко тии и велие благословение от Господа ти даровавши;
Радуйся, во образе древних старцев, яко Пресвятую Троицу троекратно напоивый.
Радуйся, за три чаши студеной воды, во имя Христа даше, триекратную на небеси мзду приемый;
Радуйся, от одра воздвигнувый благостию Божией, да мзду праведничу восприемлеши.
Радуйся, напоивый жаждущих, да мзду пророческую наследуеши;
Радуйся, из рук странников, яко из рук Спасителевых воды испивый.
Радуйся, за боголюбие твое благодать и крепость Божию получивый;
Радуйся, всем в лютых недугах лежащим, истинно состраждеши.
Радуйся, всем просящим твоей помощи необинуяся помогавши;
Радуйся, с верою Христовой призывающим тя, от болезни ног исцелявши.
Радуйся, святый преподобный воине мучениче Илие Муромский, Земли Русския славный заступниче.

КОНДАК 3
Силу триединаго Господнего благословения от триех благосказэнных древних мужей восприемый, егда своима ногама за кладезной водой хождаше и своима рукама той кладезной водой трижды их поиша и таковое твое благоусердное служение Пресвятей Троице ведая: егда ты из руки нерваго старца кадку студенца ниша, абие почуял в телеси твоем вслию силу пришедшую в тя, еже можева тебе и древо великое из земли с кореньями исторгнути и на землю повергнута; егдаже вторицею из рук инаго старца воды испивый, рекл еси, Илие, сам в себе дивяся, еже аще можева бытии кольцо у земли, мог бы взятии кольцо то и ввергнута его в землю и повратити всю землю в ину сторону; единаче третицею кадку хладной воды из рук третьего пришельца испиша, познал в себе, яко дух и вся сила Божия в тебе помале улегостеся, и в пол силы в тебе удержастеся. Таковым троическим богоявленным действом осененный, абие благостно воспел еси Триединому Богу: Аллилуйа.

ИКОС 3
Имущее в себе силу богатырскую, иже от Духа Свята происходящую, не во зло обратил еси благая даруемая тебе от Бога Илие муже праведный, но обратил на дела христианския благородные, и в сыновней любви к своим родителям влекомый, труд землепашества подъял еси, его же и в радосте совершавый, по заповеди Божией в поте лица трудяся, снедая хлеб свой от трудов праведных, тако по вси дни сочетая в себе молитву и земледелание, приуготовил душу и тело свое на брань с врагами Земли Русския. На еже предъизбрал тя Господь, прорекший ти словами триех странников: «будеши еси воином и во бранех смерть не приемлеши». Мы же, разумея на тебе Руку Господню, воспеваем ти:
Радуйся, вельми силу в ногах своих приемый, да идеши на стези правыя и дела богоприятные;
Радуйся, велие владение рукама своима ощутивый, да соделаеши подвиги боготворные.
Радуйся, видения богозрительнаго от Всевышнего Царства Христова удостоивыйся;
Радуйся, беседою с явившимся ти святым князем Глебом в вере Христовой укрепивыйся.
Радуйся, егда той притек к тебе, иже ты бысть к дубовней колоде болезнию прикованный;
Радуйся, яко ты, на одре страдальчествуя, болезновал о земном Отечестве от врагов стужаемом.
Радуйся, унынием томимый, богозарным ликом князя Глеба обрадованный;
Радуйся, Божией прсмудростию, исходящей изо уст его обогащенный.
Радуйся, тьму и нечестие из Земли Русской исторгнути богопризванный;
Радуйся, Господу, дивно тя исцелившему, работати в страсе и трепете богоначертанный.
Радуйся, яко зрящий тя лежащаго и стонущаго, вставанию твоему весьма удивишася.
Радуйся, яко в исцелении твоем Бог Христос в людех прославися;
Радуйся, яко на тебе сбышася слово рекшего: «Сила Божия в немощех совершается».
Радуйся, благодушным родителем твоим добропослушливый русский сыне;
Радуйся, Илие, праведно ненавидящий ложь и зло в бренном здешнем мире.
Радуйся, святый преподобный воине мучениче Илие Муромский, Земли Русския славный заступниче.

КОНДАК 4
Бурею недоумения объяты сердобольные родители твоя, и зело ужасохомся, зрящее дела Божий, егда видех тя от младенчества надолзе на одре болеждеваго и стонущаго, а посеем пред очию их ходяща и во здравии и радосте сущаго, и абие познавшее в исцелении твоем посещение Божие, вельмм воздрадовашися, и падшее ниц, воздаша хвалу Богу Всевышнему, поя Ему: Аллилуйа.

ИКОС 4
Словесем Спасителевым последуя, Илие богомудрый, и аще согласно речению Господа: «никтоже, возложив руку свою на рало и зрящее вспять, управлен есть в Царствие Божие». Ты же, Илие, Священного Писания не ведая, но закон Христов в сердце своем носяй, не коснел еси призванию своему благовосходити на путь подвигов воинских, и егда обрете в дубраной просеке коня, носящего на себе полноту доспехов богатырских и неотступно идуще за тобою твоя доспехи влачаще. истово разумел сей знак Божий, яко приспе час подвигов твоих ратных, аще нужда бысть облещися в ризы богатырския, и воспросив родителей своих дозволити идти в дальнюю землю Киевскую, дабы укрепитися вящим благословением святых отцев Печерских, еже можева достойно восприятии на себе ярем служения Отечеству. И добре воздав почесть родителем, и подклонив колена своя и выю свою, смиренно воспринял слова отеческия: еда той рекл ти : «Аз на добрые дела тебе благословляю, на худые же дела благословение не имам дати. Возстани и гряди в путь на негоже Господь призвал тя, но едино прощу, не пролияти николижды крови христианстей». Мы же сему благословению твоего родителя дивяся, аки тебе богопризванному воину благословенно грядущему в путь, поем:
Радуйся, заповедь отца своего исполнивый, рекшего: не пролиях крови христианской;
Радуйся, боготечно поклонение совершивый святым отцем Антонию, Феодосию в обители Печерской.
Радуйся, яко тебе ради, прииде Богом посланный конь богатырский;
Радуйся, яко оный принесл еси тебе оружие воинское.
Радуйся, яко ты, благовременно направил стремена и узду коня своего в землю Киевскую.
Радуйся, яко ты препоны вражий проходил безвредно;
Радуйся, иутниче безстрашно грядущий по тропам блазным и нехожанным.
Радуйся, воине, благословенный кольчугою и шлемом кованным.
Радуйся, приемый от Господа на земле копие и щит железный рисованный;
Радуйся, почтенный от Господа луком и стрелами, колчаном и мечем булатным.
Радуйся, владевый палицею стопудовою, якоже боритель богоранный;
Радуйся, свыше одаренный Богом искусством воинским ратным.
Радуйся, ратниче богосветлый и благодатный;
Радуйся навостренным мечем сразивый множество вражиих глав кочевников.
Радуйся, безблазно избавивый от разбойничих орд русских пленников.
Радуйся, нещадно разоривый гнездо жидовина, сына князя Хозарскаго.
Радуйся, мощный борителю всякаго полчища бахмитскаго.
Радуйся, святый преподобный воине мучениче Илие Муромский, Земли Русския славный заступниче.

КОНДАК 5
Богопобедно бысть странствие твое ко святому великому граду Киеву, в нем же князь великий Владимир Мономах в царском достоинстве благочестиво и самодержавно сидением своим на престоле Киевской Русью правил, ты же, благославный воине Илие, велие радение
к Богу Христу имущее, прежде всего восхотел заветное желание свое исполните, еже по благодвижному прохождению пути твоего благодарственно в церквах Божиих Господу помолитися и в обители печерския Царице Пресвятой во Успенской лавре поклонитися, аще излишше того и Пречистых Христовых Тайн причаститися. Се же благочестное желание сердца твоего исполнивший, и взем сугубое благословение от святых отец Печерских, да благопотребно воспел еси в радости Богу Христу: Аллилуйа.

ИКОС 5
Возскорбел сердцем, Илие благоревнивый, егда обозрел беды, постигшие оболоние града Киева, и въезжая в пределы земли киевской, видел ея обоюду поругаему от восточных орд половецких, внутреудуже зело разорену от поборов хазарских. И праведно воспылал еси гневом на злочестие чужеземное, еже и благодерзостно предстал пред очи князя ласкаваго. Государя самодержца Владимира, и печалуяся ему на тяготы, пришедший в землю Русскую, поношал праздность зрелищ языческих и тщету междоусобиц княжеских, ибо аще не извне, а воочию ведал гибель своих сонлеменников: почто губим мы землю русскую, почто враждою себя истребляем, доколе половцам разоряти землю нашу, доколе жидовинам морити до смерти христиан лютым голодом! Встань же. дружина великая, да в честном бою погубиши племя нехристов, тако ревнуя взывал Илие Муромче, и любезны быша всем словеса сии, и вельми возлюблен был князем Владимиром, иже и почтил тя, Илие воине, за благосердие твое Мономах, князь киевский, дарова тебе честь быти атаманом казаческим. Се же твое ведая, люди Божий, возымели меж собою имети сердце единое и зело восхотели блюсти свою отчипу. Мы же. прославляя Бога Христианскаго, дивно устрояющего путь Святой Руси, восписуем тебе, Илие, велегласными песнями:
Радуйся, царство хазарское и весь род июдин в страх и бегство обративый;
Радуйся, ханов половецких, верой бахмитовой кичащихся, посрамивый.
Радуйся, благоискусный ратниче, не имевый себе противников равных;
Радуйся, цевнице былинных песен, о подвигах твоих богославных.
Радуйся, адаманте Господний, вражду княжескую посрамлявший;
Радуйся, льстивое вече боярское в студ повергнувший.
Радуйся, в подручной дружине твоей, малодушества не терпящий.
Радуйся, войску словенскому, яко путевождь светящий.
Радуйся, яко князем Владимиром не имел льстивых слов и лукавых;
Радуйся, яко пред властию князя Державнаго явлен заступником бедных и слабых.
Радуйся, яко в речах правоту и любовь почитавший;
Радуйся, яко же в битвах с врагом ни чинов, ни наград не искавший.
Радуйся, воине простый душой от младенства;
Радуйся, яко и в Царствие Света возшел с чистым сердцем.
Радуйся, свет-атамане, всею дружиной казачьей любимый;
Радуйся, воине благостный, Богом Христом хранимый.
Радуйся, святый преподобный воине мучениче Илие Муромский, земли Русския славный заступниче.

КОНДАК 6
Проповедником могущества Бога Христианского и веры православной явился еси, Илие боговоинственный, и возсиял аки звездо многосветлая лучами благодатных дел, всю Русь освещая, и не токмо стольный град Киев, но вся концы родимой земли от плена иноземного избавивый и поелику приобрел еси славу необоримаго русского воина, был яко вежа стражническая и яко сокол ясный, всем врагам недосягаемый. Ведаем, яко и ныне неиждиваемым оплотом Святой Руси пребываеши, всегда готов сущь бороти нечестивых и извергати с земли славенской их обычаи скверные и нравы жестокия, да не дерзают на замыслы лютые, и да познают вси нехристы и беззаконники благочестия силу и величие лепоты веры христианския, поя Богу Христу: Аллилуйа.

ИКОС 6
Ввечер и в заутреню, день и нощь, в голод и в зной ты, великославный воине Илие, неленостно ходил в дозор по Великой Руси, и покоя не ведал себе, покуда злые вороги рыщут и множатся на родной земле, но от края и до края Отечества своего на верном коне своем скакал еси во всеоружии княжеском, и преследуя неправду и злодейство, не могущее от твоего зоркаго ока укрытися, побеждал врагов Руси: и в степях, и в горах, и в лесах дремучих, и на тропах звериных, и в благах змеиных, и в поединках и в ратных сражениях -повсюду настигал полки сатанинския, овии попирая, овии же изгоняя вон, яко хищников, порожденных тьмою, и тии бежаша с земли твоей ако псы трусливые. Сего ради и мы, чествующий тя, вся могущаго о укрепляющем тя Господе, богохвально тебе поем:
Радуйся, княжеских дружин Руси Киевской предводителю;
Радуйся, старцев и стариц благосердый утешителю.
Радуйся, девической чистоты защитителю;
Радуйся, кормилиц и младенцев охранителю.
Радуйся, вдов и сирот от пленения и уз свободитслю;
Радуйся, всеми славянами присный любимиче.
Радуйся, престольного града верное вспоможение;
Радуйся, всей Святой Великой Руси заступление.
Радуйся, и царя Мономаха богобоязненный почитателю;
Радуйся, его христианских заветов благоверный блюстителю.
Радуйся, ему послуживый, яко же богопреданный сыне;
Радуйся, строгий хранитель учений его в грешном мире.
Радуйся, нравов языческих низложение;
Радуйся, веры святой возвышение.
Радуйся, в брани невидимой аггелов тьмы одолевший;
Радуйся, слуг сатаны на Руси истреблявший.
Радуйся, молние, демонов тьму побеждающий;
Радуйся, громе, врагов христианской Руси устрашающий.
Радуйся, бальства нотных чаровниц запинание;
Радуйся, чары блужений жрецов посмеяние.
Радуйся, еже с тобою Господняя сила хождаше;
Радуйся, яко и аггелы тьмы, зрящее Бога с тобой, в шуи страны бежаша.
Радуйся, святый преподобный воине мученик Илие Муромский, Земли Русския славный заступниче.

 КОНДАК 7
Хотящее от всея души и от всего сердца твоего Сладчайшему Господу Иисусу Христу работати и праведным ратоборством славу Святой Руси приумножити и всем людем нищим и худородным верою и правдою послужити; сие же усердие твое и прозреша Всевидец Господь, егда ты, помыслы тщеславия от себе отвергнувый якоже прилоги вражий, исходящие из уст пришедших к тебе обольстителей, просящих тя воеводою граду Чернигову быти. Ты же, уведомый Духом Божиим, уклонился власти земной и яко раб неключимый, единое служение Государю всея Руси, Владимиру Киевскому, предпочел еси, аше убо не единому малому граду, но и всем племенам славянским службу Божию понести желающе, да всю Землю Русскую от мерзкаго кумиро ел ужения очистиши и делу ратному землеродных тебе научиши, и Бог приемый смирение твое, возвысит я пред всеми славянскими родами, яже и днесь воспевают песнь Богу Христу: Аллилуйа.

ИКОС 7
Новым непреоборимым Сампсоном во славянской земле обрелся еси, Илие, благознаменитыЙ воине. Бог же, спасительным хотением хотящий Русь полунощную в Новый Израиль обустроити, возжегл светильник души твоея, христианской верою всех объемлюще, тобою осиял Русь Киевскую, да по воле Божией соделаются вси племена славянстии в род священный и царский и богохраиимый. Ему же ты, Илие богоблаженный, и послужил боголепно и был аки слуга верноподданный. И ныне, добрый воине, молим тя, благоизволи ратовати за нас, ослабших, унылых и безпомощных, но присных сродников земли твоей, к тебе благоверно взывающих:
Радуйся, от землепашества на службу земному царю и Небесному не всуе призванный;
Радуйся, плоде добрый от благонравнаго древа произросший.
Радуйся, великому пророку Илии и по имени и по ревности тезоименитый;
Радуйся, в единоборстве с противными никогда же не убитый.
Радуйся, милостивый податель всем просящим воды и хлеба;
Радуйся, удостоенный зрения вечнаго Царствия небеснаго света.
Радуйся, молитвенный покров имущий, страстотерпцев князей Бориса и Глеба;
Радуйся, во имя Господа вкупе с царем Давидом на врагов ополчивыйся.
Радуйся, богоранно один против них сражавыйся;
Радуйся, неподкупный воине, ни сребром ни златом.
Радуйся, врагов погублявый, яко же изчадие ада;
Радуйся, зоркий стражяиче Руси богодарной.
Радуйся, верный сыне ея богозданный;
Радуйся, белый кречете, защитивый земли крестьянский.
Радуйся, грозный коршуне, разоривый засады хазарский;
Радуйся, яко всех Голиафов в равном бою побеждавый.
Радуйся, яко ты богохульства уста заграждавый;
Радуйся, мудрый хранитель всех княжеств и градов и весей.
Радуйся, скорый губитель вознесшихся идолов до поднебесий.
Радуйся, святый преподобный воине мучениче Илие Муромский, Земли Русския славный заступниче.

КОНДАК 8
Странствуя по всей Руси и по стороне Киевской и сберегая ея лихих разбойников, женонасильников, человекохищников, грабителей, девстворастлителей, человекоубийц и русской земли сквернителей, такожде от богохульников, кумирослужителей и татей, почестей богатства не искал себе, но якоже и сам рече в повестях былинных: и аз. справляя службу Божию, вступлюсь ныне в бой с врагами-нехристями, защищу веру правую, не дам обидеть землю родимую, не хощу пролиятися крови христианстей, не отдам тебе разорить святый Киев-град! И тако рече, изшел на поле брани, и вреяв копие свое, вринув меч свой, стремглав скакал еси на стан вражий, и настиг врагов Божиих, пел еси Богу: Аллилуйа.

ИКОС 8
Весь закон Христовой любве тщася не себе исполните, душу свою ежечасно за ближния своя полагавый, и отнюдуже любы Божией непрестающую стяжал еси в себе, аще и в помышлениях своих утверждался еси согласно священным псалмам: «Господь мой помощник, и аз воззрю на враги моя»; и поборающе врагов, одесную и ошуию обышедших тя, аки бы казацкою плетию посекал их и глаголя има: «Не ходите со злом в Землю Русскую, не скверните божниц христианских, и абие поспешал врагов побеждати, Илие дивный воине был еси благоверным стражем пределов земнаго Отечества, оборону держал еси бодренно, сие же людие русские ведая, возглашают тебе:
Радуйся, воин Христов и восходное солнце русския славы;
Радуйся, богоумный атамане казачьей заставы.
Радуйся, конным врагам причинявый смертельныя раны;
Радуйся, в конных сражениях палицей им наносивый удары.
Радуйся, в пешем бою отсекал у драконов великия главы;
Радуйся, в бой рукопашный вступал, аки воине правый.
Радуйся, в ближнем бореньи, искусство телесной борьбы показавый.
Радуйся, паче всего благородство и честь почитавый;
Радуйся, лесть и чины и награды врагов не приемый.
Радуйся, благосияющий ратниче истинной веры;
Радуйся, в лютом бою живота своего не щадивый.
Радуйся, прелести мира сего не любивый.
Радуйся, метко стрелою сокрытых врагов поражавый;
Радуйся, бесов молитвой святой погублявый.
Радуйся, ловкий в боях с копнем и секирой;
Радуйся, щит святорусский бахмитским наветным бодилам.
Радуйся, Древней Руси светлый ангел хранитель.
Радуйся, в сечах с врагами изрядный исконный боритель.
Радуйся, снятый преподобный воине мучениче Илие Муромский, Земли Русския славный заступниче.

КОНДАК 9
Всякое естество человеков и чин светозарных небесных Ангелов весьма удивишася, егда ты любы свою к родному отечеству поставлял выше, нежели любление свое к единородному твоему сыну. И ради веры в Бога Христа и ради свобождения Отечества своего от насилия супостатов оставил и родители своя и жену и чадо и дом свой и пажить свою, да славу Христовой Руси день и нощь приумножиши. Весь же соплеменный род твой земный и весь Ангельский богозрачный мир с небеси на велии твоя христианския подвиги взираху, па тя аки на воина благостояннаго, вкупе сликовствующе, воспевал Триединому Богу хвалебную песнь: Аллилуйа.

ИКОС 9
Ветии бого глагол и вии Земли Русския, восхваляющее в былинных письменах богосветлые подвиги твоя, не возмогут вся возрещи, еже о имени твоем, Илие воине благоименитый, зане мощь и сила Духа Христова в тя вселыдаяся, сияет богатно всей древней Русской земле твоей и воистинну велика есмь слава твоя, богатырской силой кипящая, егда ты коварство и препоны многовидных врагов Руси сокрушал еси. И ныне, веруем, аще отвратиши от нас все наветы вражий, иже в тебе все чаяния русской боголюбивой души скрываемыя ныне, в вящей славе отверзлися и к тебе из глубины души и недров сердец христианских возлетает хвалебная песнь:
Радуйся, земли Муромской доброславный наш соплеменниче;
Радуйся, всем ныне живущим благодатный светильниче.
Радуйся, звездо ясная, просиявшая в язычестве, яко во тьме всем живущим;
Радуйся, благо преклонный помощниче, в скорбех тя зовущим.
Радуйся, яко храмы Божий в земле твоей возвышаются;
Радуйся, яко храм, зачатый тобой, Святой Троице посвящается.
Радуйся, иже ради тебе, святыя источники земли твоей изливаются:
Радуйся, еже оной водой род болеждевый исцеляется. Радуйся, Божия свеча села Карачарова;
Радуйся, богомощное ограждение града Чернигова.
Радуйся, благотишная отрада всего Мурома; Радуйся, известная похвале стольного Киева.
Радуйся, иже ты всей Руси Богом данный;
Радуйся, христианине богославный.
Радуйся, сыном Иоанном от Бога Христа награжденный;
Радуйся, иже той баней крещенья быхом рожденный. Радуйся, аможе той сущий в младенстве от Бога венцем увенчанный;
Радуйся, аможе сын твой за веру Христову умученный.
Радуйся, иже и к сонму светильников русских спричисленный;
Радуйся, аки и днесь Русской Церковью в сонме святых приснославимый.
Радуйся, иже и он, молит Бога за тя, яко сын благодетельный; Радуйся, аможе сын твой во бранех твоих был твоим покровителем.
Радуйся, воине грозный Илие, войска хазаров губителю;
Радуйся, вихрю победный, всех орд печенег прогонителю.
Радуйся, в спину батажьи удары врагов посрамляющий;
Радуйся, якоже оных врагов на Руси поборающий.
Радуйся, святый преподобный воине мучениче Илие Муромский, Земли Русския славный заступниче.

КОНДАК 10
Силу Божию не в туне почуял в себе, Илие богатырь батюшка, ибо ты не токмо испил от Руки Господней чашу сладкаго благодатнаго твоего исцеления, вкупе же и Христовых Тайн приобщения, но испил еси и с лихвой чашу желочи горестных слез и печалей за Русь Богосветлую, за Дом Богоизбранный Богородичный. Аще тяготно было зрети тебе Землю Русскую, печенегами и хазарами оскверненную, обоюду же вражьим мечем обездоленную; и народ христианский, тобою возлюбленный, зрети в раздоре князей истребляемым и врагами Руси побеждаемым. Або всюду окрест обретя Землю Русскую, в бедах сущую, возгорался любовью твоей паче прежнего к пепелищам родного Отечества и слагал в сердце Божий гнев праведный к иноземным бесовским обычаям и зане корчевал аки волчцы и тернии из христьянской земли злые нравы и требища вражий, и ктому же еще гнал незваных кочевников, изгоняя с родимой земли, и поя Богу песнь: Аллилуйа.

ИКОС 10
Спасати и хранити Русь Великую восхотевый, и своим произволением и волей Божией, Илие богохвальный, объезжал страну свою, Богом избранную, и возъярялся на врагов иноверных, изводя их и на честную брань подвигая, заиеже ты, богоугодный воине, укрепляем был духоносным благословением святаго преподобнаго отца нашего Феодосия, начальника лавры Печерския, и в сердце своем словеса преподобнаго держащее, рекшего ти тако: «Помни слова Господа: «Власть даю вам наступати на змия и на всю силу вражию, и ничтоже вредит вам». Сии же благознаменательные слова Богоявленнаго старца поминающе, воспеваем ти сице:
Радуйся, Илие, ангелообразный воине и вышний и здешний;
Радуйся, друже Господний боголюбезный. Радуйся, трубо походная небесной церкви торжествующей;
Радуйся, достославный сыне церкви воинствующей. Радуйся, безбоязненный ратниче, омофором Богородицы покровенный;
Радуйся, святыми отцами лавры киевския благословенный.
Радуйся, на стезях дозора твоего разбойников и злодеев посекавый;
Радуйся, всем обездоленный и безпомощным помогавый.
Радуйся, славе великомученика и Победоносца Георгия ревнителю;
Радуйся, сатанинских треб хазарских жрецов разрушителю.
Радуйся, имеяй силу и Божью власть всех иуд погубляти;
Радуйся, иже и конь твой приемлемый силу и скорпий, и змей попирати.
Радуйся, благоверный Христов ратоборче;
Радуйся, святорусский победоносче.
Радуйся, благочестивый былинный христьянине;
Радуйся, яко безстрашно дракона сразивый.
Радуйся, воине храбрый, подобно Архангелу бывый;
Радуйся, иже верх копья своего православным крестом увенчавший.
Радуйся, оным копьем на баралищах беглых врагов настигавший;
Радуйся, верный споспешниче, воинам русским в сраженьях неравных.
Радуйся, в ближних боях побеждавший латинских князей-королевичей.
Радуйся, святый преподобный воине мучениче Илие Муромский, Земли Русския славный заступниче.

КОНДАК 11
Прилагая труды к трудам своим ратным и возрастая от силы в силу духовно, ты, Илие боголюбивый, восхотел восприять на себе и подвиги иноческий, и се бысть егда почуял в себе оскудение сил богатырских , и прозревый волю Господню, иже вернаго друга - коня богатырского бездыханным и окамененным обрел еси пред очима своима; и предав его с честию сырой земле, сам почуял себе зело дряхла от подъятых подходов земных, и сказал дружине своей: «Не бию больше палицей тяжкою, не выну из налушна лук свой тугой, ни из колчана своего стрелу каленую, иду ныне в обитель Пресвятой Богородицы, во град Киев, ко святым отцем лечерстим, и тамо упокоюсь в посте и молитве, иждивая дни свои привременные». И, тако рекши, совлекл еси себе бремя мира сего и пешим странником, яко простый пришлец обездоленный, потек во пристанище тихое безмятежное, благодушнее поя Богу Христу: Аллилуйа.

ИКОС 11
Стара казака атамана войска княжескаго почитает тя, Илие Муромче, вся Святая Русь; иже ведает тя прсизрядным искусным воином в многовидных сечах с врагами Христианской Руси, на сие же был призван Самим Господом, и Господь Саваоф, возвышая тебя, восхотел вознести твою душу в брань небесную, в битву духовную вящую, сего ради и благоволил облечь тя в образ иноческий, да приидеши в совершенный образ воина Христова. И ты, Илие, благопреклонно отозвался на волю Божию, сам сложил с себя доспехи богатырския, имиже овогда благословил тебя Господь, и прежде, нежели оставить дружины свои любимые, иже есть Ростовския, Галицкия, Новомуромския, Киевския и иные мнози, рать свою предъуставил достойному сооружнику, аще тако и исполнил слово преподобнаго Феодосия Печерскаго, прорекшего ти: «егда же не сможеши более меча в руках держати, егда стар будеши, семо в обитель Богородицы приидеши, и духовным мечем супостатов разити станеши». Мы же сбывшемуся пророчеству дивяся, поем ти:
Радуйся, от воина телеснаго в воина духовнаго Богом Христом благоукрашенлый;
Радуйся, щитом спасения, еже есть Слово Божие, обогащенный.
Радуйся, копнем молитвы святой лютых демонов пронзавый;
Радуйся, многотрудным послушанием монастырским плоть свою связавый.
Радуйся, иноческим благочестием, яко тяжкой палицей, блудных духов побивавый.
Радуйся, незлобием и богомыслием, яко воинским шлемом от стрел вражиих, ум свой сохранивый;
Радуйся, смиренномудрием, яко кольчугою, вся прельщения князей тьмы отразивый.
Радуйся, кротостию и терпением сердце свое от тщеславия и гордости соблюдший;
Радуйся, молитвой Иисусовой, яко мечем духовным, вся прилоги вражий посрамивший.
Радуйся, слезами покаяния демонские рати потопивший;
Радуйся, каждодневной исповедью грехов душу свою очистивший.
Радуйся, добродетелями монашескими дух свой, яко златыми доспехами богатырскими, освятивший.
Радуйся, братиев иноков, яко воин духовный, от ярости диавола день и нощь охранявший;
Радуйся, словом Божией любви уныние собратиев разгнавший.
Радуйся, Царство Небесное паче славы земной возжелавший.
Радуйся, дары прозрения и боговедеиия в подвигах инока скоро стяжавший;
Радуйся, благодатью Божиих знамений многие души от гибели спасший.
Радуйся, святый преподобный воине мучениче Илие Муромский, Земли Русския славный заступниче.

КОНДАК 12
Благодати богатносветлых и богоугодных иноческих подвигов якоже плод чистоты души и тела твоего, святый преподобный отче Илие, в себе стяжавший, и сего ради не в силах был стерпети человекоубийца князь мира сего диавол, еже всегда завистию и местию разъярялся на праведников Божиих, и той наслаше на тя клеврет своих немилосердных и наущая их заклати тя, якоже жидовин христоненавистный, немилосердно заклал копнем своим плененнаго инока киево-печерскаго Евстратия, прободав его ристалищем навостренным, иже посем и уморил гладом всех иже с ним христиан пленников. Ты же, ведая злобу жидовскую и замыслы диавола, коленопреклоненно молитву дея, предукрепился к часу смертному, и по подобию великочтимых тобою благоверных князей Бориса и Глеба, молился еси о убийцех своих, Богу поя: Аллилуйа.

ИКОС 12
Ноюще деяние боговосходных ратных дел твоих, поминаем славную мученическую кончину твою, богоносный отче Илие, аки час свой смертный ведал, но якоже истинный воин Царя Небесного, неотступно духовную оборону держал еси, вопреки всех врагов своих, и побеждая их злобу богомудренно, аки воин известный, с поля брани не исходил еси; но сложив десной руки своей персты и по чину православному безстрашно сретил убийц своих. упреждая их предстоящих, творя знамение Божие и начертывая по воздуху лице Силою Крестною и себя знаменуя такожде, во свидетели Бога Небеснаго призывая, удерживал их свирепство распростертою дланию шуей руцы твоей, аки бы беззаконный удар копия
отвращая, и глаголя им слова Спасителевы: «яко на разбойника со оружием и дреколием приидосте на Мя»; по вся дни в сечах праведных вы не победисте меня, но якоже боязливые псы, ныне обышедтпие, обыдоша мя, егда днесь обрели мя единаго и безоружнаго, но да сбудется слово Божие: «прииде ваше время и область тьмы»; и пререкаемый ударом копия, Илие богоязвленный, испустил дух свой и боговосхищенно возшел в вечное Царство радости, отнудуже и нас грешных осеняет свет Христов, пети тебе богогласно:
Радуйся, Силой Креста, от злодействия мира сего огражденный;
Радуйся, адовым жезлом и вечною смертию не побежденный.
Радуйся, приснопеваемый житель небес неизменный;
Радуйся, Духом любви, аки ангел небес окрыленный.
Радуйся, Духом Святым, яко ризой сиянья Христа облаченный;
Радуйся, ангельским сонмом святых ублажаемо сретенный.
Радуйся, новая Божья денница всем русским дружинам блистающий;
Радуйся, луче небесный, лепоту древней Руси нам являющий.
Радуйся, Царствия Вечнаго света вечный наследниче;
Радуйся, Церкви Небесныя ангелообразный мучениче.
Радуйся, златосиянным венцем, яко воин победный, украшенный;
Радуйся, в гробе слежай, яко велий святой особо отмеченный.
Радуйся, в киевской церкви Софии Премудрости Божией в пределе князей погребенный;
Радуйся, почестей славных великих князей удостоенный.
Радуйся, в гробе дубовом с оружником другом зело упокоенный.
Радуйся, в мощах святых иже славно в пещеру Антониеву изнесенный;
Радуйся, язвою в теле нам таинство смерти своей известивший;
Радуйся, руцей десной, троеперстно сложенной, нас вере святой научивший.
Радуйся, иже и в гробе немом, лжу и ересь раскольников днесь посрамивый.
Радуйся, в перстах своих всех сумнящихся правою верой зело утвердивый.
Радуйся, в мощах твоих, яко велий святитель всех российских христьян просветивший.
Радуйся, с верою правой притекших к тебе от зловерных волков защитивший.
Радуйся, святый преподобный воине мучениче Илие Муромский, Земли Русския славный заступниче.

КОНДАК 13
О святый русский воине, преподобномучениче Илие, отче наш, града Мурома похвале, земли киевской преизрядный защитниче! Ведаем, яко ты, боготщатливо образ веры Христовой в себе нося, родному Отечеству воистину явился в совершенной силе богоизбраннаго богатыря, славу и честь древнерусскому оружию приносяще, еже и благочтимо Государю Самодержцу служил еси и на поприще иноческом преуспевшее, службу Божию доблестно и усердно совершил еси, венцем славы украсился вельми. Не отвергни нас земнородных от тебе, яко веруем еже и по днесь предстоиши за нас пред Небесным Престолом Вседержителя, молишися, да избавит Господь, Царь Небесный, Отечество твое земное и тобою зело любимое, от враг обстоящих и борющих нас. Мощно свыше Церковь Русскую заступи, греховных уз свободи, силы Божией на одоление всех врагов даруй, безблазненно и безбедно воспоем светлую память твою, в доброгласии и единомыслии поя Спасу Богу Христу: Аллилуйа.

(трижды, посем икос 1-й, кондак 1-й)

МОЛИТВА
ко святому преподобному иже во святых Илии Муромскому, древнерусскому воину и чудотворцу
О снятый предивный и преславный древний воин Христов земли русския, богохвальне Илие Муромче! Иже свыше приемый Богом дарованную тебе силу богатырскую на всяк час ополчатися в богомощных земных ратоборствиях на врагов иноземных, ово же видимых, ово же злых духов невидимых, яже онде повсечастно ярятся на нас богоборством своим, богохульствием и злодействием и сквернят наше Отечество святорусское; иже тайно и явно строят ковы и хощут пленити нас, еже аще возможно изжити веру православную и вконец погубити землю русскую и зловерьем своим попрати нас под ярмо сатанинское!
О Илие, Божий воине наш, ратоборче богорасленный! Не дай землю русскую бусурманити, не дай Церковь русскую жидовити, помогай нам в Божией истине стояти, богоратовати и врагов побеждати. Вемы, якоже ты в богодвижных путях твоих орошаем и согреваем бысть благодатным огнем любви Христовой и в безкрайствии и в безведрии победил врагов Древней Руси, аще тии и кровь леденят в поединщиках, егда тыя быша в бранных побоищех. Научи же нас борению правому, умудри же нас православному благочестию навыкнути, буди нам скорым заступником! Ибо мы в благоверствии почитаем тя яко отца нам благоземлесроднаго и всегда к нам благотного, мужа кроткаго, землепашца трудолюбивого, христианина незлопамятного, родителем сына послушливаго, странника благотишнаго, благотернеливаго и благопроходнаго; собеседника благоумильиаго идеже и правдолюбнаго, благородного, ратника благоискуснаго, единоборца непобедимаго и богоименитаго, сопутника благосерднаго, собеседника благоохотливаго и благословеннаго. вельми христолюбиваго, сына Отечества вернаго, великодушыаго, поединщика храборнаго, стражника неусыпного, друга вернаго, сооружника крепкаго, атамана благомужественнаго и богораннаго, не кичащагося своею силою но абие же благорослаго и благосличнаго; всегда богомудраго, немстительнаго, доброжелательнаго, сильнаго в слове и в деле. Ведаем тя и якоже благопреданнаго служителя Государю Самодержцу Князю великому Киевскому, ему же ты не лукаво и не тщеславно служил еси, но со тщанием бо благоподчинно и благоотдатливо. Почитаем тя и якоже инока смиренномудрого, немногословного и зело богомольнаго, зрим в тебе и отца духовнаго, черноризца преподобного, мученика богоязвленнаго и огожреннаго и велика человека земнаго богосветлаго, богоприемнаго; жителя небеснаго ангелолепнаго, раба Божиего; и ради толиких твоих великих добродетелей, коими благоистканна семь душа твоя аможе духовной кольчугою или презельной бронею тя защищающей, аще бысть покрывающей тя от летящих из ада стрел вражиих иже аще из шуией страны на тебе злонаправленных внутреуду от аггелов тьмы преисподней, аще убо извне от бесовских князей тьмы воздушной, яже непрестанно враждуют и вредят в человецех земных, або сердце, або ум, або душу. Сего ради, Илие Муромче, предвари нас подмогой твоею и споспешествуй нам аще сице молитвой святой Михаила Архангела и молитвой святаго Пророка Илии, благопотребной помощию великомученика Георгия воина. благодейством моления русских святых: благоверных князей страстотерпцев Бориса и Глеба, во святем крещении Романа и Давида; благодатным молебствием князя Петра, во иноцех Давида и княгини Февронии, во инокинех Ефросиний Муромских, вкупе же и молитвами исповедников мучеников иже из града Чернигова: Михаила и аможе с ним боярина Феодора; родителя их святаго благовернаго князя Константина, молитвами святаго князя Георгия Мученика, яже Муромскаго и Владимирскаго, Божией помощию во Христе святых мучеников Иоанна воина и смоленскаго ратника Меркурия и твоим небодательным сердобольствием, Илие Муромче, защити и покрый нас, аки же щитом славы Божией, сохраняя от несчастных наветов вражиих и соделай нам души и сердца наша вдухотворными а не мертвыми и наполни нас любовию Божией. полнотою христианской веры и с небес низпошли нам твою богатырскую силу, да и мы одолеем врагов наших видимых паче же и невидимых, ибо ведаем тя якоже ангела благолепотнаго, якоже воеводу благонарочитаго, древнерусскими Божиими родами зельно любимаго и Небесным Творцом в преизрядных небесных наградах изпещреннаго и весьма богоодареннаго. Вемы, яко Бог Отец и Бог Дух Святый в тебе и тобою нам велъми благоденствует и спасение душ православным христианам, припавшим тебе, сотворяет, еже вси благовернии людие Божий не зазорно и праведно призывают имя Христа Бога нашего, Ему же, Царю царствующих и Господу господствующих, всякая честь и поклонение подобает в Его благосиятельной славе всех истинно боголикующих и в богоблаженной радости Царство Спаса и Бога Христа воспевающих всегда, ныне и присно и во веки веков. Аминь.

МОЛИТВА ВТОРАЯ
ко святому преподобному иже во святых Илии Муромскому, древнерусскому воину и чудотворцу
О святый преподобный отче Илие, Руси Святой заступниче, могучий ратоборче, воине духовный и телесный, Ей явивыйся, в житии своем ко благу народа русскаго и ко прославлению Бога христианского верно послуживый и по преставлении своем предстательства своего от нас не оставивый! Испроси, святе, у всемилостиваго Еоспода Отечеству нашему богоизбранному российскому мир и благоденствие, церквам православным благоустроение, храмам Божиим благолепие, людем православным от нечестивых избавление, воинам русским в ратех победу на врагов одоление. Еще же просим тя, святче Божий, разум нам от Бога Христа низпошли, силу духовную и крепость телесную, да возмощи нам будет покаянием житие исправити и Русь Святую возродити и в Царствие небесное из нея прейти, да тамо с тобою и со всеми святыми сподобитися непрестанно восхваляти в Троице славимаго Бога Отца, Единороднаго Бога Сына и Господа Святаго Духа во веки. Амипь.
Времена скорбен претерпевающе, люди русстии, православные, молят тя, преподобие отче Илие Муромский, воин славный, свято-киевский, иже ты во святых почивающий, не остави нас днесь во грехах и недугах расслабленных, и предстательствуй твоими молитвами пред Всевышним Престолом Бога Спаса Христа Вседержителя, еже ты, Илие, искушаемый, зело много в болезнех страдальчествовал, помози и нам без греха пребывати, веру Божию сохранити, и соделати спасение душам нашим.