× Главная Мои работы Как заказать Контакты
Иконы Спасителя Иконы Пресвятой Богородицы Иконы Ангелов - Небесных Сил Иконы Святых Иконы Святой Троицы Мерная икона Иконы венчальные Семейная икона Все мои работы

Святой образ - это свет другого мира

Святой образ - это свет другого мира.

Святой образ - это свет другого мира.
Канон преподобному Максиму Исповеднику

Память святого преподобного Максима Исповедника празднуется 21 января (3 февраля н. ст.).

Также память святого преподобного Максима Исповедника празднуется 13 августа (26 августа н. ст.) - в греческих прологах на сей день указывается перенесение его мощей в Константинополь.

Икона святого преподобного Максима Исповедника

ОТЦУ ПРЕПОДОБНОМУ МАКСИМУ ИСПОВЕДНИКУ ТРОПАРЬ, ПОДОБНЫЙ ИСПОВЕДНИКАМ, И КАНОН, ПРЕДУСМОТРЕННЫЕ К ПЕНИЮ В ГЛАС 8-Й:

ПРАВОСЛАВИЮ - наставниче, благочестия - учителю и чистоте, вселенней - светильниче, архиереом - Богодохновенное удобрение, Максиме-премудре: учением-бо твоим вся просветил еси, O, «цевнице Духовная», моли Христа-Бога спастися душям нашим!

И этому тропарю в заключение на: Слава. И ныне. И Богородичный «от первых по гласу», сиречь от осьмигласника воскресных тропарей:

ИЖЕ нас ради Рождеи Ся от Девы - и распятие претерпев, Благии: Испровергии смертию смерть и воскресение Явлеи, яко - Бог, не презри, их же созда рукою Своею, яви человеколюбие Свое, Милостиве, - приими Рождьшую Тя - Богородицу, молящуюся за ны - и спаси, Спасе наш, люди согрешшыя! 

Песнь Первая
ея ирмос:
Израиля от работы избавил еси Господи, Десницею Своею державною: яко oного спасе - и ныне нам помози!
ПРИПЕВ:
ПРЕПОДОБНЕ ОТЧЕ ИСПОВЕДНИЧЕ МАКСИМЕ, МОЛИ БОГА О НАС!
Вышния премудрости Сокровище стяжав в сердцы, преподобне, -- Тоя ради обогатил еси мiр учении!
ПРИПЕВ.
Ангельское показа житие, на земли живыи, -- и бысть храм Богу, Христопроповедниче, преподобне, - тем же и возложи ся Ему!
СЛАВА.
Едино мыслящи друг ко другу во едину Твою веру, Христе, - преподобнии проповедаху Тя в безъязычных устех яко трубы Боговещанныя!
И НЫНЕ, БОГОРОДИЧНЫЙ ТРОПАРЬ:
Радуися, Чистая, -- Богородице, яже прежде Сущаго -- Слова Божия! -- рождьши в последняя плотию: радуися, Стено всем нам: и Покрове чтущим Тя!

Песнь Третья
ирмос:
Несть Свята яко Господь, и несть Праведна яко Бог наш - Его же поет вся тварь: «Несть-бо Свята, разве Тебе, Господи!»
ПРИПЕВ.
Крови каплют честныя твоея рукu и учения текут целомудренного языка твоего, известно вопиюща, по отсечении его, (быть) Христа во двою естеству!
ПРИПЕВ.
Рука твоя писаньми не преста, вопия: и язык учении трубит веру твою, Богоглаголиве, треблаженне: Бог-бо бе обоя движa, слагая глаголати!
СЛАВА.
Тремu убо телесы: во единой же душu - единомудренно сопротивестеся отцы-чуднии зле отъемлющим Христовы страсти и сугубое действо!
И НЫНЕ, БОГОРОДИЧНЫЙ.
Жены убо раждают, Мати - Дево Чистая, но! - не к тому девы пребывают якоже Ты: ни же едина от сих Бога породи - токмо Ты, Богородице, - Чистая!
Седален, на глас 3-й: Учение Божественно держа, столп бысть Православия и держава, Богомудре, веры: во двою существу и две хотении проповедал еси Христа, Бога нашего, отче Максиме, Его же прилежно моли даровати нам велию милость!
Слава. И ныне: и Богородичный седален:
Божественная бысть сень Слова едина, пречистая Дево-Мати, чистотою ангелы превозшедши!
Иже паче всех, мене персть бывша, осквернена плотьскими согрешеньми, очисти молитвами Твоими - Божественными Водами, подающи, Чистая, велию милость!

Песнь Четвертая
ея ирмос:
Из «Горы Пресенныя» Тя, Слове, пророк: из единыя Богородицы Хотяща Ся воплотити Боговидно разсмотрь - и со страхом славословяше силу Твою!
ПРИПЕВ.
Ты Моисеови подобяся, Богомудре, -- скрижали разумно прият учением: вo мрак-бо вшел еси вuдении - обогатил ся Разума светом!
ПРИПЕВ.
Ты, Аврааму поревновав, Богомудре, -- другаго Исаака привел еси Господеви: свое жертвовав, отче, сердце во огни совестне!
СЛАВА.
Единаго Христа проповедавше отцы - единаго Сына во двою существу исповедасте: Хотяща по существу - и действующа обоя!
И НЫНЕ, БОГОРОДИЧНЫЙ.
Безлетна Сына родила еси в лето нетленно - Чистая пребысть, рождьши, Иже нас ради Воплощеннаго во утробе твоей, Богородительнице, - присно Дево!

Песнь Пятая
ея ирмос:
Утренююще, вопием Ти, Господи: «Спаси ны: Ты-бо еси Бог наш!»: разве-бо Тебе иного не знаем!
ПРИПЕВ.
Не усече твое, отче, меч дерзновение: не угаси, преподобне, заточение веры твоея!
ПРИПЕВ.
Проповедует убо Рим ревность твою, Богоносне: трубят же, преподобне, церкви словеса твоя!
СЛАВА.
Пред князи проповедавше Спаса - мученицы бысте произволением, Богомудрии!
И НЫНЕ, БОГОРОДИЧНЫЙ.
«Источник Безсмертия!» -- поем Тя, Богородице: Ты-бо присный Живот мирови родила еси!

Песнь Шестая
ея ирмос:
Из чрева адова вопль мой услышал еси, Господи, -- и избави из тли живот мой, яко Человеколюбец!
ПРИПЕВ.
Удиви твое, треблаженне, исповедание, Иже в тебе Вещавыи Исус: со страждущими тебе нu князей кичения, нu меча, нu огня претящаго ти, убояся, преподобне, -- верою был еси крепок!
ПРИПЕВ.
Не поколеба твой столп Православия вселукавый враг, но! - победися и погибе!
СЛАВА.
Триплетeнною ти пращeю прещение Ариево мысленно стреляется - [всеоружием] таин Христовых!
И НЫНЕ, БОГОРОДИЧНЫЙ.
Паче ума и слова, Дево, Питателя всех от сосцу доящи, матерских неразуме!

Аще ли несть священника - за ектению поется: «Господи, помилуй!», трижды. Слава. И ныне. И кондак, на глас 6-й:
СВЕТ ТРИСИЯННЫЙ всели Ся в душу твою, сосуд избрaн показа тя, всеблаженне, - сказуя(и) Божественая концем: не удобь разумная: ты-бо Троицу всем проповедал еси ясно, преблаженне Максиме, -- Пресущну и Безначальну!

И его икос: Подобник показав ся Спасовым страстем, и Того в души своей имея, всеблаженне, -- восхождения в сердцы своем положил еси, пребогате: Той-бо тебе подаде благодать с Небесе: сопротиви-бо ся мучителем, мудре, мужески: Безначальную и Единосущную Троицу проповедуя - и, обличая злославящих и богоборцы, премногия претерпел еси напасти, всехвальне: язык урезаемыи Богословныи, преподобне, и -- рукa вкупе! Не престал же еси ты с дерзновением, глалоля, -- и утвержая верныя Божественными ти учении: Троицу всем людям проповедуя ясно - Пресущну и Безначальну!
Песнь Седьмая
ея ирмос:
Иже в начатце землю Основавыи и Небеса словом Утверждеи - Благословен еси вoвеки, Господи, - Боже отцев наших!
ПРИПЕВ.
Ты одежду естественнаго достоинства кровию своею украсил еси,  Богомудре: молчащь язык, отче, и вещающь - явление подавая сею словес твоих!
ПРИПЕВ.
Гроб ваших не устави языков! Земля же дальняя не скры словеса! Якоже пишет Давыд в песнех: Во всю - воистину! -- землю прослусте ся!
СЛАВА.
Якоже злато, трие искусивше ся во огни искушений oнех - чистейшу веру вашу возрастите Христови, отцы честнии!
И НЫНЕ, БОГОРОДИЧНЫЙ.
Иже тайны образ Девыя, иже в Синаи, Ты прообразил еси «Купиною Горящею и Не-опаляемою»! - «Благословен еси, Господи, -- Боже отцев наших»!

Песнь Восьмая
ея ирмос:
Иже на горe Святeй Проявлeнаго - и в купине огнeм Девыя Моисeови тайну Явльшаго, Господа пойте: и превозносите Его вoвеки!
ПРИПЕВ.
Заря Божественнаго учения в сердцы прием, Богомудре, -- Просвещением разума обогати ся! - и премудрости Сокровище вложил еси в душу свою, отче!
ПРИПЕВ.
Учения предложил, Богоблаженне, -- ереси отгнал еси от среды: и, Христовем поревновав страстем, бысть жертва чистa и приятна Богови произволением!
СЛАВА.
В чистоте соблюдше житиe - и вeрою украсивше дeла, Небесней Славе сподобисте ся, честнии отцы - тем же воспеваете Христа вoвеки!
И НЫНЕ, БОГОРОДИЧНЫЙ.
Радуися Двере! И -- Одушевленыи Облаче! Радуися, Горо и Купинo и Свещниче! Радуися, Храме и Престоле и Раю! Радуися, рождьшая Содетеля всех - Благословенная!

Песнь Девятая
ея ирмос:
Проявленое на горе законодавцу огнем и купиною, Рожество присно Девыя, в наше верных Спасение, песньми немолчными величаем!
ПРИПЕВ ВСЕГДА С ПОКЛОНОМ.
Ты безстрастием и вuдением, треблаженне, научил еси нас Жизни вечней - столп одушевлен Православия мiрови: исповедание свое оставил еси!
ПРИПЕВ.
Ты Финеесу подобя ся, Богоносе, яко инeм копиeм мечeм Слова новонасаждeнную посекаеши веру - отревая хулящая Христа!
СЛАВА.
Воистину прослависте ся, Богоноснии отцы, ранами и биении - гонении и бедами: во узах же и темницах, и железох, и в заточениих пострадавше!
И НЫНЕ, БОГОРОДИЧНЫЙ ТРОПАРЬ:
«Купину Горящу Огнем - и Не-опаляему», предзряще древле Моисей, Богомати Дево: Богоприятну прообразуя твою утробу - приемшую Нетленный Огнь!


ВНИМАНИЕ! 
На пении Молебном поется в заключение каждой песни сего канона: в катавасию:
ИЗБАВИ от бед рабы твоя, преподобне отче исповедниче Максиме, яко вси пo Бозе к тебе прибегаем: ты-бо молиши о нас Христа -- Бога нашего! (Поклон.) Господи помилуй! (Трижды, и с поклонами.)